Esta semana estivemos traballando os animais e as plantas, coñecendo que existen animais e tamén especies que están ameazadas e que poden desaparecer se non as coidamos.
Falamos da importancia de respectar a natureza e de protexer o medio ambiente para evitar que estes seres vivos desaparezan. Entre as especies que estudamos están a aguia, o sisón, a libélula, a tartaruga e os cardiños da lagoa. Aprendemos como viven, onde habitan e por que é fundamental coidar os seus espazos naturais.
Comprendemos que as accións humanas poden afectar ao seu hábitat, polo que é necesario ser responsables, non contaminar, respectar os animais e conservar as plantas.
Ademais, realizamos actividades de atención e orientación espacial nas que tivemos que observar e identificar cara onde se movían os paxariños, traballando conceptos como esquerda, dereita, arriba e abaixo. Estas tarefas axudáronnos a mellorar a nosa concentración e a nosa capacidade de orientación no espazo.
LUCAS trouxo un cen pés
Antón unha árbore cunha ardilla moi pequeniña que tivemos que atopar
ICÍA unha serpe de esas que nos dan moito medo
e tamén troxo unha macetiña con sementes para plantar
Tamén no noso libro fixemos animais utilizando follas de diferentes formas e cores. Foi unha actividade moi creativa, na que conseguimos resultados moi orixinais e quedaron uns traballos moi chulis.
Tamén xogamos con labirintos nos que o coelliño tiña que atopar o camiño ata a súa comida. Esta actividade axudounos a pensar, a seguir percorridos e a desenvolver a lóxica e a orientación.
Sempre que podemos, tamén traballamos o conteo e a asociación da cantidade coa súa grafía, favorecendo así o desenvolvemento das nocións matemáticas básicas de maneira práctica
Así mesmo, observamos os animais que viven nos bosques tanto de día como de noite, descubrindo que algúns son máis activos durante o día e outros durante a noite, e comprendendo mellor os seus hábitos e formas de vida.
ANTÓN trouxo unha árbore feita cun brocolí, explicounos moi ben como fixo o traballo
Esta semana con Paula fixemos dúas experinecias unha para traballar a conciencia fonolóxica onde os nenos/nenas ian sacando dunha bolsa xoguetes e adiviñaban porque letra empezaba e despois o pasamos ao papel.
XIANA B. atopou un saltamontes na súa casa e sacoulle unha fotos para que todos o vísemos
O alumnado de 4º da ESO explicoulles a os nen@s como se produce a choiva:
Primeiro poñemos auga quente nun vaso. A auga comeza a quentarse e sobe cara arriba en forma de vapor. É como se estivese voando! 💨
Despois poñemos un prato con xeo enriba do vaso. O vapor toca o prato frío e convértese en pinguiñas pequenas, como nubes no ceo ☁️
E sabedes que pasa logo? As pingas fanse máis grandes… e caen outra vez ao vaso! 🌧️
e despois o fixemos no papel
MARTIÑO trouxo un mural con fotos de árbores, as súas follas e os seus froitos que nos viran moi ven a volta que traballaremos e investigaremos todos estes árbores dos nosos bosques.
ICÍA trouxo un formigueiro que traballaremos a fondo a volta, como viven, alimentan, organizan...
Outra das actividades que realizaron con Paula foi a creación de pequenas historia. Para levala a cabo, empregaban tarxetiñas con imaxes e palabras sinxelas, que lles servían de apoio. Entre todos e todas, ían construíndo un relato, deixando voar a súa imaxinación. Deste xeito, os nenos e nenas participaban de forma activa, desenvolvendo a súa creatividade e a súa expresión oral dun xeito lúdico e motivador.
Rematamos o trimestre dando as grazas ás familias pola vosa colaboración e apoio. Desexámosvos un tempo de descanso en familia. Moitas grazas!
Ningún comentario:
Publicar un comentario
Deixanos aquí os teus comentarios!