Tivemos 3 equipos que rotaron por 3 espazos.
Un deles foi dedicado á arte coa profe Tamara, no que os superartistas de infantil deixaron voar a súa imaxinación xuntos! Empregaron témperas, pinceis, sprays e foron moi creativos!!!
O seguinte foi no patio exterior coas profes Melani e María Secre. Mentres soaban cancións, todos se movían con entusiasmo, pero cando a música paraba, a maxia aparecía: transformábanse en diferentes animais do bosque, como bolboretas, leóns fortes ou cans divertidos.
Despois, o xogo continuou cunha nova aventura. Todos se converteron en gardiáns: algúns tiñan que disparar auga, mentres outros corrían para escapar. Todo sucedía ao ritmo da música, entre risas, moita diversión e burbullas...
Por último chegamos á granxa de María Ro. Nela fíxose de noite e os lobiños bos correron a gardar as ovellas antes de que viñese o raposo e os lobos malos que as querían papar. Logo chegou a hora de brincar na charca como ras antes de xogar xuntos coas abellas máis trastes do cole!
Para rematar saíron todos e todas a xogar ao patio cos aros, globos e burbullas.
Foi unha gran mañá e agardamos que disfruten igual das vacacións de verán!
Deixamos montaxe resumo!
Ningún comentario:
Publicar un comentario
Deixanos aquí os teus comentarios!