O BOSQUE CATRO ANOS

 Comezamos a semana coas abellas

Xiana trouxo unha maqueta preciosa che a de detalles.  Grazas a ela, puidemos achegarnos un pouco máis ao fascinante mundo destes pequenos insectos.

Acompañada dun conto para coñecer máis este mundo

Observamos como son as abellas, fixándonos nas súas partes, nas súas cores e na súa forma de moverse. Tamén falamos de como viven, organizadas en colmeas, traballando en equipo e cumprindo cada unha a súa función. Descubrimos o importante que é o seu labor, xa que axudan ás plantas a medrar e a dar froitos.

Tamén contamos abellas e falamos do seu ciclo da vida

Icía trouxo á aula unha interesante maqueta na que se representa o traballo dos madeiristas no monte. Grazas a ela, puidemos observar como cortan as árbores e como se organiza este labor.

Fixámonos nas ferramentas e nos vehículos que utilizan, así como no proceso de tala e recollida da madeira. A partir da maqueta, falamos da importancia dos bosques e de como é necesario coidalos, facendo un uso responsable dos seus recursos.

Esta actividade axudounos a comprender mellor de onde vén a madeira que utilizamos no noso día a día e a reflexionar sobre a importancia de respectar e protexer a natureza.

Traballamos as persoas que coidan os bosques

e aprendimos cos aneis dos troncos son os anos que teñen as árbores

Icía trouxo á aula un xogo moi divertido e educativo sobre o ciclo da vida de diferentes animais e plantas. A través deste xogo, todos participamos colocando e ordenando as distintas fases de cada ciclo, aprendendo dun xeito dinámico e colaborativo.

Fomos descubrindo como nacen, medran, se desenvolven e cambian os seres vivos, entendendo mellor os procesos naturais que forman parte da vida. Ademais, traballamos en equipo, compartindo ideas e axudándonos uns a outros para completar correctamente cada ciclo.

Seguindo co ciclo da vida así é o da bolboreta

Coa motivación da pitiña Princesa e a chegada da primavera, fixemos uns paxariños para decorar o noso corredor central do colexio.

LUCAS trouxo un nido de cucos

Esta semana tamén traballamos sobre as especies invasoras da nosa lagoa, centrando a nosa atención en animais como a tartaruga de orellas vermellas e o visón americano, cangrexos de río, raións.

Aprendemos que estas especies non son propias do noso entorno, senón que foron introducidas por acción humana, e que isto pode causar problemas importantes no equilibrio da natureza. Observamos como a tartaruga de orellas vermellas compite coas especies autóctonas polo alimento e o espazo, e como o visón americano pode afectar a outros animais da lagoa ao ser un gran depredador.

Reflexionamos sobre a importancia de coidar o medio ambiente e de non liberar animais exóticos na natureza, xa que poden alterar os ecosistemas.

Traballando a grafomotricidad coa nosa pitiña

Icía trouxo un conto dos animais do bosque

XIANA trouxo un xogo de carta de todas ás árbores de Galicia que nos viran moi ben porque para a semana comezamos a traballalas.

Os contos do recuncho!

Moitas grazas familias por colaborar tanto co proxecto.