Música Reagge !

Nas últimas dúas semanas achegámonos ó Reagge, un estilo musical relaxado algo descoñecido na clase.

Escoitamos varias cancións deste estilo, algunhas que se mesturaban con outros estilos musicais. A que máis lles chamou a atención foi a canción de reagge hawaiano de Iz, que versiona a canción de "Somewhere over the rainbow". Plasmaron en papel o que se lles pasaba pola cabeza .

Como sempre achegámonos a algúns dos instrumentos máis frecuentes, xogamos a adiviñalos e observamos os que temos na clase. Logo recollemos en papel como recordo do que imos traballando.

Nesta ocasións  fixeron un UKELELE ben chulo!

Seleccionaron 4 gomas de cores diferentes e colocáronas nunha tapa de lata.

Logo decoraron o mástil con rotus permanentes de cores.

E listos para utilizar!

Moi chulis!

Rematado o percorrido que fixemos por algúns dos estilos musicais máis coñecidos fixemos varias audicións para ver se eran capaces de identificar cada estilo. Non foi fácil, pero si divertido e como usamos as cancións que eles foran escollendo no proxecto, debateron e  acertaron todos!

O xoves fixemos un percorrido por algúns aparellos e elementos que se empregan para reproducir música. Falamos de cando estaban máis en uso, do funcionamento, dos nomes e por suposto escoitamos música con cada un deles.

Como sempre complementamos con moitas outras tarefiñas e xogos.

Fixemos e comentamos a estadística de Novembro e comparamos coa do curso pasado.

Seguimos practicanto o trazo e a asociación de cantidades e grafías dos números con actividades prácticas, xogos e en papel, ó igual que pasa coa lectura e escritura con mayúsculas, minúsculas, palabras...

Temos máis cousiñas en marcha que temos a medias, pero continuaremos a próxima semana. Tede unha boa ponte!