SEMANA DA PRENSA E DÍA DA MULLER 2023 !

Nestes días conmemoramos a Semana da Prensa e o Día da Muller. Para facelo, en infantil, traballamos con xornais e preparamos unha nova sobre unha muller que foi unha auténtica pioneira e que se relaciona co nosos proxecto de aula: Mary Anning, a princesa da paleontoloxía!

CLASE de VERMELLO

Esta semana chegaron á aula diferente xornais, observamos as súas cores, as letras e as diferentes imaxes. Os xornais contan noticias.Xogando coas follas dos xornais, cortamos diferentes cachos e debuxamos dinos.Que pequeno mural máis chuli fixemos para decorar a clase pola semana da prensa.

Esta semana tamén foi o día da muller, na clase andamos inmersos nas excavacións e coñecemos a Mary Anning. Fixemos unha portada dun xornal na que contamos a súa historia. É a primeira muller que descubriu e investigou os fósiles dos dinosaurios. 

CLASE de VERDE

Esta semana estivemos a traballar cos fósiles de dinosaurios, como se formaban e quen os atopaba os "PALEONTÓLOGOS/AS" para conmemorar o Día da Muller contamos a historia de Mary Anning que naceu na vila de Lyme Regis en Inglaterra

De pequena iba co seu pai a recoller fósiles ao acantilado preto da súa casa que despois vendía aos turistas. Pero un día tivo un accidente e morreu, e Mary comezou a recoller fósiles todo o tempo para gañar cartos. Con doce anos atopou un esqueleto completo pero os científicos quitaronlle o descubremento por ser muller. Pero segue descubrindo esqueletos de dinosaurios e axudanlle a que poida abrir a súa tenda, e que seña recoñecida porque axudou a asentar a base da idea da extinción das especies.

Esta semana como a adicamos tamén a prensa, fixemos unha noticia dedicada a Mary Anning

Tamén usamos os xornais que chegaron a nosa aula para buscar a letra "i" pequeniña, custounos un pouquiño porque atopamos moitas letras, de moitos tamaños, formas, cores... pero despois todos/as atopamos moitas.

E finalmente disfrutamos debuxando uns dinosaurios grandísimos neste papel

CLASE de AZUL

Na clase de azul polo Día da Muller coñecemos a Mary Anning cun conto na PDI para coñecer a súa historia, vimos uns vídeos e imaxes en google.

Logo falamos de como a súa historia e a de moitas outras mulleres levou á conmemoración do día da muller a través da reflexión e o visionado dun vídeo explicativo.

Ademais para a Semana da Prensa traballamos con xornais lendo os nosmes de varios deles, vendo que se dividen en seccións segundo o tema do que falan, elementos básicos (imaxes, pés de foto, titulares, texto da noticia...), diferencias entre xornais (a cor, branco e negro...), e lemos algunhas partes.

Noutra ocasión empregamos xornais para cazar letras, titulares, fotos, pés de foto...

Tamén elaboramos a nova da semana sobre as conmemoracións que tivemos e sobre as que traballamos na aula.