CONTO COA MAMÁ DE DANI! Quen vén esta noite?

 Esta semana seguimos traballando no proxecto.  Rematamos o venres con unha visita especial, a mami de Dani veu contarnos un conto.

Lucas co súa galiña e año.

Noa co seu niño.

Noa trouxo unhas fotos e imaxes dos merlos, merlo femia e merlo macho. Buscamos en que se diferenciaban. O merlo macho é negro e o merlo femia é máis castaño. Ademais de que teñen un pico diferente. Chegamos a conclusión que eran salvaxes porque non era fácil collelos que enseguida escapaban voando.

Lucas co seu cabalo.

E co seu porquiño.

Investigando sobre o peixe (Cheese) de Martina. O martes ao volver da ponte observamos que o peixiño morrera. Puxémonos un pouco tristes e comezamos a pensar que lle puido pasar, enfermara, non comera, ou a botella era moi pequena para que poidese vivir.

Traballando no libro, inventando símbolos e cores para sinalar unha horta.

Debuxando as fresas que plantamos no horto. Situando a estación e canto sol e auga precisan.

FLORES ROBÓTICAS!!!

O xoves fixemos un experimento. Primeiro decoramos unhas pulseiras de animais. Había abellas, bolboretas e soles que levariamos de recordo.

Despois tiñamos outra pulseira máis grande en forma de flor. Por grupos de mesa démoslle cor e  intentamos encender unha luz nesa flor. Precisamos unha luz que tiña dúas patiñas, unha pila e fío de cobre adhesivo. Vimos que as pilas había que colocalas ben para que producisen enerxía e así acender a luz.

Os animais da pulseira de recordo, ian buscar polen á flor e precisa do sol para poder medrar!

Como molou!!!

A VISITA DA MAMÁ DE DANI

O venres, Luísa, a mamá de Dani, veu de visita contarnos un conto moi especial. Títulase Quen vén esta noite? . Un conto de ratiños, pero non calquera ratiño senon os ratiños máis famosos: o rato Pérez e o seus fillos.

Descubrimos que cando nos cai un dente, ás veces atopamos moedas, outras xoguetes, libros...iso é porque cada fillo do Rato Pérez ten uns  gustos mois persoais e fannos trastadas.

Despois do conto, fixemos unha manualidade. Recortamos pezas para montar un rato moi gracioso.

Recortamos corpo, orellas, peto e debuxamos a cara. A mamá de Dani púxonos uns botóns moi chulis e un dente en cada rato.

Quedaron moi simpáticos. Dani agasallou aos nenos cunha porta de cores para poder deixar os dentiños e así o rato poida recollelos para o seu saco e trocalos por un agasallo.

Moitas grazas Luísa por vir compartir un ratiño con todos nós. Pasámolo xenial e agora xa descubrimos onde van os nosos dentiños cando nos caen. 

Dani agasallou unha porta nas clases dos nosos compis de 3 e 5 anos. Tamén deixamos unha na clase por se cae algún dente gardalo mentras non o levamos para a almofada.

Ata luns peques!!