Arte: Van Gogh, Frida Kahlo, risas e sorpresas!

Estas dúas semanas estivemos a traballar duro no noso proxecto!

Continuamos co libro de Vincent Van Gogh, co que imos profundizando na súa vida.

Rematamos a semana pasada cun espectáculo a cargo do paiaso David Merelas “MeRe Clown”.

No debuxo do mellor da semana vese que o que máis lles gustou foi o paiaso!

Coincidindo coa conmemoración do Día da muller coñecemos a Frida Kahlo. Achegámonos a súa figura  a través de contos e vídeos...

Pasamos a papel os aspectos máis importantes de Frida e algún dos datos que máis lles chamaron a atención.

Seguimos investigando en libros por parellas ou grupos de 3.

Buscaron e atoparon!

Buscamos en internet as súas obras fixándonos nos detalles, que pintaba, que cores empregaba máis...

Logo de tanto investigar e de falar dela reunimos conclusións e recollémolo en papel.

Continuamos a realizar traballiños sorpresa para as familias como parte do producto final do proxecto de arte e estanse esforzando moito!

Seguimos coa reciclaxe e aínda temos cousiñas pendentes na clase!

Continuará!