Esta semana, para conmemorar o 20 de novembro, Día dos Dereitos dos Nenos e das Nenas, e no marco do programa Nutriescolas, o alumnado de Infantil elaborou deliciosos batidos saudables. Con esta actividade celebramos e poñemos en valor o dereito a unha alimentación equilibrada e a desfrutar dunha boa saúde, aprendendo ao mesmo tempo a coidar do noso corpo de maneira divertida e consciente.
Preparación inicial
Antes de comezar, lavamos ben as mans con auga e xabón para traballar con hixiene.
Tamén remangamos as mangas, así evitamos mancharnos mentres cociñamos.
Cortamos a froita
Escollemos as froitas que máis nos gusten.
Cortámolas en anacos pequenos e gardámolos nun bol.
Mesturamos os ingredientes
Engadimos ao bol un pouco de iogur natural
Batemos
Pasamos a mestura ao vaso da batedora e batemos ata obter unha textura suave e cremosa.
Probamos o noso batido
Por último, servimos o batido nun vaso…
¡e probámolo para desfrutar do sabor das froitas!
Ningún comentario:
Publicar un comentario
Deixanos aquí os teus comentarios!