DINOS! A evolución.

Os últimos días tivemos moitas investigacións entre mans, manualidades, unha visita e unha ollada ó que nos queda por ver.

Ademais preparámonos para a saída a AVIFAUNA. Recordamos

o que xa saíu nas nosas investigacións: que froito da evolución os animais máis relacionados cos dinos son as aves.

Logo fomos recordando e recollendo en papel algunhas das relacións entre dinos e aves actuais que íamos ver na visita.

Logo da visita profundizamos nalgúns dos dinos relacionados coas aves que coñecemos, como o PTERODAUSTRO que é moi semellante ó FLAMENCO.

Aquí prte da investigación...

Recollémolo en papel.

Continuamos cunha ave que non coñecíamos e que nos explicaron era unha das aves con máis en común cos dinosaurios: o CASUARIO. Atopámolo nun dos libros que aportastes as familias e continuamos investigando esta ave tan perigosa. E buscando e buscando atopamos un dino moi similar: o CITIPATI.

Neste vídeo puidemos velo e ver a semellanza ó tempo que nos da pinceladas sobre a extinción que sufriron os dinos no seu momento.

Como sempre gardámolo para o noso dosier.

Tamén nos achegamos a outros dinos. Un deles o ESPINOSAURIO, un dos favoritos. Investigámolo e recollémolo en papel como sempre.

Deste vídeo sacamos información e gustounos moito!

Ademais seguiron chegando materiais.

IZAN presentou un mapa de panxea que fixo na casa e no que foi colocando distintosdinos. Explicounos cales eran e recordamos como era o planeta na época dos dinosaurios.

LUCÍA V. compartiu coa clase un xogo de dinos moi simpático. Explicou como se xogaba e xa o temos no recanto!

ADAM tamén nos trouxo un xogo, nesta ocasión un puzzle xenal de dinos! Xa o temos para montar no recanto.

Para continuar coa decoración e os recordos do proxecto elixiron varias manualidades para ir facendo de aquí ó remate.

Nesta semana elaboraron MINIESTEGOSAURIOS! Tiveron que pintar con pincel, cortar con tesoiras de formas, pegar ollos , modelas limpiapipas e montar todo!

Quedaron estupendos!

Rematamos a semana coa visita especial dos pais de ADAM. Así, o noso compi contounos un conto de animais coa axuda dos seus pais. Logo enlazámolo co proxecto achegándonos á relación das aves que saían no conto e que víramos na nosa visita a AVIFAUNA.

Ademais tivemos a sorte que nos dixeran o nome de varios animais en árabe e puidemos practicalos con eles. Estivo xenial!

Moitas grazas por animarvos a visitarnos!

Xa estamos cos últimos pasos do proxecto, pero  aínda nos quedan un montón de sorpresas.

Moitas grazas por colaborar!