O bosque e a U de Uxía

 Esta semana tivemos dúas visitas de familias. Practicamos a letra U de Uxía, o noso recanto énchese de moito saber e seguimos avanzando no libro, sen esquecernos de practicar o número 1 e o noso nome.

Momentos da asamblea:

Traballando o concepto da unidade: somos un e cando nos xuntamos somos un conxunto. Diferenciamos por cores as nenas dos nenos. Onde hai máis e porque?

Recanto do proxecto

Moitas grazas por colaborar no noso recanto. Entre todos estamos aprendendo moito.

Carlota trouxo unha maqueta feita con pinas, rollo de papel hixiénico e con hueveras. Axudaronlle os seus papás.

Faloulles aos compis das setas, do caracol e do erizo que había que ter coidado que pinchaba.

Iago trouxo unha maqueta dun bosque con árbores, un camiño de pedras e dous ríos. Ao redor tiña animais que os nenos identificaron perfectamente. 

Uxía trouxo un xogo apilable, ten números e animais, e tamén árbores e dúas casas: a dos paxariños e a dos animais. Ata temos que estar moi atentos cando xogamos con el porque non podemos perder ningunha caixa. Toca contalas entre todos.

Escoitamos como cantan os MOUCHOS, Bela ensinounos o seu. Saen de noite e teñen uns ollos moi grandes. Foi polas clases de 4 e 5 anos ensinar como cantaba o moucho. Quedamos todos moi abraiados porque era o seu cantar. 

Quedaron traballos sen ver, porque esta semana  non deu tempo a mirar todo. Seguiremos para a seguinte. 

Traballando sobre o libro, falamos do que imos aprender con este proxecto:

Pintando coas cores máis características do bosque: marrón, verde e azul.

A profe Paula ensinounos como é unha lagoa, que animais andan por debaixo da auga e cales por encima. De que está rodeada a lagoa e fixemos unha pequena composición co que tiñamos pola clase. 

Todo nos serve para aprender. A diferencia de animais que hai que viven no bosque e cales na lagoa ou nos ríos e que poden convivir xuntos.

Comezamos a practicar a U de Uxía. 

Decoramos a súa cara.

A U con gomets.

Cazando Us e pintandoa co noso dediño máxico.

Esta Uxía saíunos moi artista!!

Que ben debuxamos a nosa compi!!!

Esta semana chegou Paula, unha mestra en prácticas que pasará uns meses polas aulas de infantil. Benvida Paula!!!!

MOCHILA VIAXEIRA

Leo trouxo a artistada do block da mochila viaxeira, coa axuda da súa mamá pintaron con témpera os personaxes do conto de Mezclados. 

A seguinte viaxe da mochila é na casa de Bela.

Bo fin de semana. A vindeira semana toca celebrar o entroido. Ata luns!