Comezamos a semana cun recuncho que segue medrando e enchéndose de pequenos tesouros! Continúan chegando das casas novos materiais, obxectos e curiosidades que nos axudan a descubrir e investigar máis sobre o noso proxecto.Ademais, decidimos quedar con algunhas das achegas que trouxestes para a exposición de Samaín: traballos, creacións e historias arredor das lendas que compartimos e que agora pasan a formar parte do noso recuncho.
Mais meigas para o recuncho e o seu gato
Esta semana andivemos entre pócemas e brevaxes. Primeiro deseñámolas en papel, imaxinando que ingredientes poderían levar, que cores terían e que poderes agocharían.
Pero non nos conformamos con imaxinalas… ¡tamén as elaboramos de verdade! Mesturamos ingredientes, observamos os cambios, experimentamos
Collemos a caixa de Icía e....
E isto non remata aquí! Aproveitando que estamos no Mes da Ciencia, as nosas investigacións continuarán e aínda nos agardan novas experiencias, mesturas e experimentos.
Seguiremos preparando algunha que outra pócema máis, observando, formulando hipóteses, experimentando e descubrindo que detrás de cada mestura pode agocharse unha pequena sorpresa.
Porque este mes as meigas tamén se poñen a investigar… e a ciencia será a súa mellor maxia!
Seguimos traballando o conteo e as sumas, pero desta vez acompañados de seres misteriosos: meigas, fantasmas, gatos negros e outras criaturas do noso proxecto.
Partimos da lectura do conto O ladrón de cabazas para poñer en marcha a nosa imaxinación e os nosos sentidos.
Despois da historia, trasladamos a aventura á nosa mesa Tuff Tray, onde experimentamos con diferentes materiais e texturas, explorando sensacións, manipulando, observando e descubrindo a través do xogo sensorial.
Pero a nosa aventura non rematou aí! Aproveitamos as cabazas para darlles unha nova vida e transformalas en unhas meigas ben bonitas.
A semana pasada coñecemos e traballamos na aula a lenda do Pedregal de Irimia, ese lugar tan especial da nosa terra onde nace o río Miño.
E hoxe tivemos unha sorpresa moi especial! Xiana trouxo á aula un montón de fotografías da súa visita ao Pedregal de Irimia coa súa familia.
Con moita ilusión, ensinounos as imaxes e explicounos moi ben como é aquel lugar, como son as pedras, como nace a auga e todo o que puido observar durante a súa visita.
Foi unha oportunidade estupenda para relacionar o que aprendemos a través dos contos coa realidade, espertar a curiosidade dos compañeiros e compañeiras e seguir descubrindo os lugares que forman parte da nosa contorna.
Grazas, Xiana, por compartir con nós esta pequena viaxe e axudarnos a descubrir o lugar onde comeza o camiño do noso Miño!
A vindeira semana, ao igual que fixemos o curso pasado, poñemos en marcha os préstamos de libros da biblioteca para seguir levando a lectura ás casas e compartindo historias en familia.
📅 Comezaremos o vindeiro luns!
Lembrade que os libros irán para casa os luns e deberán volver á biblioteca o luns da semana seguinte, para poder realizar un novo préstamo.
Animádevos a compartir un anaquiño de lectura en familia, porque ler xuntos sempre é unha boa aventura!
Ningún comentario:
Publicar un comentario
Deixanos aquí os teus comentarios!