Saída ó Bosque Máxico e ás Formigas de San Clodio!

 

Xa rematando o curso, e seguindo coa temática deste curso escolar, o alumnado de infantil foi a unha excursión rodeado da natureza, na que o pasaron xenial, e na que puidemos tomar conciencia da importancia de coidar da contorna.

Primeiro visitaron o Bosque Máxico de Bonxe. Nunha contorna moi especial desfurtaron observando trasgos, casiñas de fadas e animais extraordinarios!

Visitaron un estanque artificial con patiños!

Puideron entrar nun tipi!

Rematada a visita ó bosque Máxico collemos o bus para ir á aldea das Formigas d eSan Clodio.

Visitamos as vacas e a súa cadeliña pastora!

Tomamos a merenda de media mañá e emprendemos un paseo polos recantos agachados da aldea e bosque das formigas! Foi un percorrido fermoso no que observamos multitude de esculturas extraordinarias, feitas con materiais de refugallo que daban vida a unha paisaxe máxica chea de imaxinación e na que vivimos moitas aventuras! 

Rematamos cansiños e con moita fame!

Para rematar compartimos con vós unhas fotiños de grupo!

Grazas por colaborar para que hoxe vivísemos un día máxico no medio da natureza!