Repaso na clase de azul !

Este verán temos principalmente que descansar recuperar forzas xa que este curso foi longo. Pero tamén debemos deixar un oco para repasar e

non esquecer todo o traballado neste curso. 

Para iso tedes a ASEMBLEA (CLIC AQUÍ) de clase con todo o básico. Recordade a sección de recursos onde temos información e enlaces de repaso.

Motricidade fina. Non esquezades realizar tarefas coas mans, cociñar, modelar, abrochar e desabrochar, etc. Por suposto coller ben lapis, rotus, pinturas e pinceis.

Conduta, autonomía e responsabilidade. Colaborar nas tarefas da casa para seguir tendo responsabilidades e sendo cada vez máis autónomos realizando as tarefas que poidamos sós.

Continuar coas boas costumes de colaborar, saber esperar e escoitar, falar baixiño, as técnicas de relaxación cando faga falla, etc.

En canto a lecto recordade que empregamos os sons das letras "M = mmmm, S=ssss". Isto facilítalles moito a aprendizaxe. Así, se queremos axudarlles a escribir unha palabra, basta con ir decíndoa moi despaciño incidindo no son de cada letra. Que eles o imiten é xenial nestas aprendizaxes.

• Falar moito de diferentes temas con linguaxe sinxela, que opinen, expliquen, pregunten, respondan…
• Poden axudar a facer a lista da compra tratando de escribir ou ler unha palabra.
• Tratar de ler os letreiros nos sitios que visitan ou localizar letras e dicir o nome do que están a ver para aumentar o seu vocabulario.
• Facer debuxos e tratar de escribir o nome do que están a debuxar.
• Buscar letras ou palabras en contos, revistas, catálogos, etiquetas... 
• Reforzar nomes de familiares, amigos, copiar palabras. Discrimina visual e auditivamente as letras, realizar os trazos das letras coñecidas que se traballaron na aula …
•  Ler un conto antes de deitarse ou noutro momento do día, por pracer, para axudarlles a adquirir vocabulario e mellorar a súa expresión lingüística e favorecer o gusto pola lectura. Despois do conto podemos facer diferentes actividades como preguntar que personaxes aparecen no conto, contar cantos hai, buscar a inicial do seu nome, cambiarlle o título ao conto…
• Escribir o seu nome e o dos compañeiros/as en maiúsculas e tentalo en minúsculas.

Ollo á dirección na que facemos as letras. Quedan aquí as que xa coñecemos: maiúsculas e rodeadas as minúsculas que coñecemos.

Tamén vimos as minúsculas presentes nos nomes da clase.

Números. Se escriben números pasa o mesmo. Este curso avaliamos as grafías ata o número 6, pero xa fomos practicándoos ata o 10. 

Mates.  

• Agrupar obxectos segundo criterios, tamaño, cor, forma e contalos.
• Realizar series de cores.
• Reforzar a serie numérica, nomeando os números, contando obxectos, xoguetes, alimentos da compra…
• Practicar o trazo dos números (polo menos ata o 6).
• Realizar sumas sinxelas dunha cifra.
• Facer quebracabezas. 

• Xogar con formas, nomealas, debuxalas, modelarlas…

Moitas grazas por colaborar, desfrutade do verán e vémonos en setembro!